والله يا عالم مصيبة ...تعالوا واقروا القصيده...محزنه جداً

غاب أبوه اللي يضمه ولا بقى له غير أمه
أمه الأم الرحوم وكل طيب تحتويه
كلها عطف وأمومه شالت الوقت بهمومه
ودها تسعد ولدها بأي شي وتحتميه
أمنت له كل شي وحبها بها نبض حي
ولو طلبها ما طلبها ساع يطلب تشتريه
كافحت في هالحياة سوت لها المعجزات
وأن تأخر ما تنام الليل كله تحتريه
تبكي والدمع غشاها وتمسحه لا من جاها
ما تبيه يشوف دمعة حزن ألمها يكتسيه
ومن بعد ما شب عوده واستوى وكبرت عقوده
وصار متزوج بعذراء لا معاها تصير إيه
نسته أمه وفت له يوم الأجواء ما صفت له
لا وقالت له أنا أبقى بيت أمك ما تجيه
كيف أصير في بيتي حره وأنا أشوفه لأم غره
وخططت له ودبرت له وسوت كل اللي تبيه
ولأن شخصيته ضعيفه وأمه أشبه بالكفيفه
ما توانى لو دقايق يطرد أم ترتجيه
وقام سواله جريمه شالها شيله غريمه
وعقب وصلها الرعاية صوتت له ياولدي هيه
ياولدي وين أنت رايح قالته والدمع سايح
والتفت فيها ورد برد متنكر سفيه
قال أنا رجال تاجر منشغل بين المتاجر
وان بقيتيني بحاجه هذا رقمي وأطلبيه
ولأجل ما تجرح شعوره طاعته بأمره وشوره
وأبتعد عنها وقضّى وكل ما سوت نسيه
وهمّل أمه يا حسافه وصد وأعلن انحرافه
وصار ما يسأل عليها ولا تلاقوا بالوجيه
ولاّ هي يوم أدخلوها بالرعاية وأنشدوها
قالت بنبرة حزينه هو ولدي والله يهديه
عنده أشغال كثيرة وكم محل هو يديره
وعاذرته في ما فعل بي دام أمره في يديه
ومن ولعها في ضناها كل هم اكتساها
وأصبحت في وضع مؤسف وضع ما يحسد عليه
وضع كل به تأثر عاشت الأسبوع وأكثر
لين روح الطهر فاضت من جسد طاهر نزيه
حلمها اللي في ولدها لا كبر يكبر سعدها
مات لحظة كفنوها ولا بقى يا كود ليه
ليه همّلها وجفاها ليه ما قدّر وفاها
وليه يقتل حلمها اللي من زمان تعيش فيه
ليه وكم ليه مرت في خيالي واستقرت
شرقت بي وغربت بي وصرت في حيرة وتيه
والله يا عالم مصيبة واقعة فعلاً غريبه
منها تبكي كل عين وينجرح قلب نزيه
ولكن الكلمه الأخيره رددوها في كل ديره
وقولوا من يبقى رضى الله يطلب رضى والديه

الله يكفينا شر المصايب
ويرزقنا بر الوالدين ورضاهم

» تعالوا شوفوا الفرق بين عطسة البنات والشباب